اوك, تكلمنا عن اساس المشاكل, التربية,الخوف من المجهول, التضحية, ما اختلفنا تقريبا معظمنا عانى من نفس المشاكل لكن مش كلنا قدر يوصل لحل. بصير معك الاتي:
وصلتي للنتيجة وهي متغيرة اما تكون الطلاق او تقبل الزوج كما هو او انك ترضي باللي اهلك يقدمو لك, وبعدين شو بصير ؟؟
وحدة من شغلتين اما انك تتقبلي الواقع اي انك تستلمي للامر الواقع بالاصح, او انه ما يعجبك الوضع ما بدك تعيشي عالة على المجتمع والاهم عالة على نفسك, لكن من الحالتين هدول بامكانك تلاقيه الهم حل , حتى لو تقبلتي الواقع عزيزتي مو معناته انك ما تقدري تعدليه عشان يناسبك , يعني متل ما بتختاري نوع لبس مريح الك او ستايل يتماشى مع شخصيتك تقدري تختاري نظام حياة جديد يتماشى مع الواقع الخاص بك.
وبنهاية المطاف كلنا بنختار الحل الاول وقلائل جدا اللي يرفضو يعيشوا بواقعهم خلينا نسميهم "المتمردين على الواقع" هدي تسميتهم الوحيدين اللي قدروا يقهروا الواقع المرير, لكن صدقوني طريقهم جدا خطر ومتعب لكن دائما نتيجتهم من اروع ما يكون.
اذا مين انتي عزيزتي "معدلة واقعك" ام " متمردة على الواقع"؟؟؟؟؟
يا ريت عنجد اعرف ايجاباتكم بما انه دخولكم متزايد ما شالله حابة انكم تتركوا تعليق عالموضوع صدقوني عندي كتتييييييييير كلام احكي فيه لكن فيه امور لازم اعرف رايكم فيها, ومهما كان اختيارك عزيزتي لااااازم تكوني مفكرة فيه مزبوط ومقتنعه فيه ما تحكي كلام مو كلامك. من اليوم وطالع حاولي تعبري عن اللي في داخلك جربي وما رح تندمي
"ملاحظة" لتعليقاتكم الضغط على تعليقات وبعدين تكتبي اللي بدك اياه وبعدين تختاري اسم المعرف "غير معرف" وتضغطي ارسال. ما حدا رح يعرف حدا فخدي راحتك بالكلام بس باحترام طبعا :)
هناك 4 تعليقات:
احيانا تجبرك الظروف على اختيار مالاتريدين او بالاحرى لايوجد لديك خيار اخر ، فليس في كل الاحوال تجدين عدة خيارات هنا نقول لكل البنات تعلموا (الشهاده ) تفتح لك باب لـ (الوظيفه ) والوظيفه تمنحك القوة والإستقلاليه وبالتالي تستطعين ان تقرري حياتك كما تريدين ،
اختي اعذريني فيبدو ان مدونتك موجه الى الفتيات وانا لست بفتاة ولكني شدتني كلماتك وقرات مدونتك كلها
اختي ما قلتيه يحصل في الارد بكثرة فانا شاب اردني اعيش في هذا البلد الرائع والاردن يعتبر من البلاد المحافظة وشعبه يتمسك كثيرا بالتقاليد و العادات
ما حصل لك يا اختي الفاضلة يحصل مع الكثير من الفتيات
ولكن للاسف المشكلة في الحل .....
الحل للاسف لا يكون بنقاط مدرجة بالترتيب من واحد الى 10 بل بفكرة حقيقية
وللاسف هذه الفكرة لا تتم الا بوجود ارض صلبة وجدار قوي تستند له الفتاة
فالطفل الصغير في بداية سيره يحتاج الى شيء يستند عليه وايضا الفتاة في طريقة رغبتها بالتغيير و التاقلم يجب ان يكون هناك من يدعمها ان كان والدها او والدتها او اخوتها ... او زوجها
ولكن عندما تصطدم الفتاة بعد وجود هذا الجدار و هذه الارض فبرايك ما هو الحل .... ؟ وكيف تثور على واقعها ؟
هنا يكمن السؤال و الفكرة
اخت منى اشكر مرورك وفعلا العلم والشهادة سلاح المراة انا من كبار مشجعي التعليم باي عمر وباي مرحلة والاهم من ذلك عندما تقرر فتاة الزواج يفضل ان تعمل وان تكون ذاتها حتى لا تكون عالة على احد فيما بعد لا سمح الله
مشكور اخوي على مرورك واعجبني كلامك فحبيت اكتب الجواب عن سؤالك واتمنى يزيدو الشباب من امثالك بمساعدتنا على ايجاد حلول لمشاكلنا وارحب فيك بيننا واهلا وسهلا فيك
إرسال تعليق